सब के लिये खुला ज्ञान मंदिर यह हमारा !
स्वतःच्या घरालाच सार्वजनिक वाचनालय बनवून बंडू शिंदे करतात समाजसेवा !
उमरेड : (जिल्हा - नागपूर) "सब के लिये खुला है मंदिर यह हमारा" या राष्ट्रसंतांच्या ओळींना सार्थ ठरवत नूतन आदर्श महाविद्यालयातील सेवानिवृत्त माजी ग्रंथपाल श्री. बंडू शिंदे यांनी नगर परिषद कार्यालयाजवळ असलेल्या त्यांच्या राहत्या घरालाच सार्वजनिक वाचनालय बनविले आहे . त्या वाचनालयाचे नाव 'अनुभव वाचनालय ' असे आहे गेल्या अनेक वर्षांपासून त्यांच्या घरात सुरू असलेल्या वाचनालयात शालेय विद्यार्थी , महाविद्यालयीन तसेच स्पर्धा परीक्षा देणारे तरुण तरुणी अभ्यास करतात , अनुभव वाचनालयात अभय करणाऱ्या विद्यार्थ्यांपैकी आत्तापर्यंत ८७ विद्यार्थी वेगवेगळ्या स्पर्धा परीक्षा पास होऊन वेगवेगळ्या खात्यात विविध पदांवर कार्यरत असल्याचे ते सांगतात .
वय वर्षे ७० पार केलेले बंडूजी शिंदे आजतागायत अविवाहित आहेत , तळागाळातील विद्यार्थ्यांना स्पर्धा परीक्षा देण्याकरिता पैसे खर्च करून शिकवणी लावणे अवघड असल्यामुळे त्यांनी हे वाचनालय सुरू केले . अभ्यासाला येणारे विद्यार्थी हे त्यांना स्वतःच्या मुलांप्रमाणे वाटतात . ते अभ्यासकांकडून एकही रुपया मोबदला घेत नाहीत , शिवाय आपल्या त्यांना मिळणाऱ्या पेन्शन चा वापर वाचनालयात लागणारी साहित्य खरेदी करण्यासाठी करतात .
विशेष म्हणजे वाचनाल्याला कधी कुलूप लावल्या जात नाही लॉक डाऊन च्या काळात जेव्हा सर्व वाचनालये बंद होती तेव्हा अनुभव वाचनालय विद्यार्थ्यांसाठी खुले होते असे शिंदे सर म्हणाले .
( व्हीडिओ : सतीश तुळसकर .)
Sakal Media Group is the largest independently owned Media Business in Maharashtra, India. Headquartered in Pune, Sakal operations span across newspapers, TV (SAAM TV), magazines, Internet, and Mobile. With a heritage of over 82 years Sakal Media Group Publishes the number 1 Marathi Newspaper in Maharashtra and also owns and operates its TV channel named SAAM TV.
